viernes, 28 de junio de 2013

A NOSA GRADUACIÓN

E case coma se nada, esta andaina chegou á súa fin... pero, non podiamos irnos sen celebralo cunha gran festa, a festa da nosa graduación!!! E así foi, con moito ritmo, recollemos os diplomas de mans dos nosos compis de sexto, os cales nos "cederon" o seu sitio en Primaria, porque.... xa somos maiores!!! Mirade que guapos estabamos...



Premede aquí para ver o acto de graduación

Pois si, parece mentira pero xa pasasen tres anos dende que os nosos peixiños e golfiños desen os seus primeiros pasos no cole. Tres anos nos que aprendemos un montón de cousas pero nos que sobre todo, fixemos grandes amigos e divertímonos moitísimo....



Dende aquí queremos agradecer a todas as familias o apoio recibido estes tres cursos, o cariño e a calor que nos destes fixo que o noso traballo fose un verdadeiro pracer. Moitas, moitísimas grazas por todo!


E por suposto, queremos dar as grazas aos peixiños e aos golfiños, por facernos vivir tantas cousas, por facernos rir, por deixarnos aprender de vós e, sobre todo, por querernos e por todos eses bicos e abrazos que nos destes durante estes tres anos. Por iso, e a pesar de que estamos un pouquiño tristes por ter que deixarvos, mandámosvos un bico enorme e desexámosvos moita sorte nesta nova aventura que comezades. Non vos esquezades de nós, porque estas dúas profes sempre vos levarán no recordo. 


E agora si... FELIZ VERÁN!!!!

jueves, 20 de junio de 2013

TÓMBOLA 2013

Isto está a chegar ao seu fin e os peixiños e golfiños xa estamos un pouco nerviosos, así que... que mellor xeito de calmar estes nervios que cun pouco de exercicio??
Hoxe, a profe Geni preparounos un circuíto xigante: saltar, correr, andar en equilibrio... todo para poder conseguir o noso agasallo da tómbola do cole. Que contentos íamos todos cos nosos regaliños, verdade? Esta si que unha boa maneira de rematar un ciclo!


miércoles, 19 de junio de 2013

LUKA

Hoxe tivemos unha visita moi especial. O papá de Pablo trouxo a clase a Luka, un dos cans de Pablo. Luka e moi, moi xoguetón, case, case tanto ou máis ca nós. Grazas pola visita!






 
 
 

 
 

jueves, 13 de junio de 2013

ANIVERSARIOS XUÑO E XULLO

Este mes celebramos os aniversarios do peixiño Matías e dos golfiños Alba, Carla e Joel. Ademais, uniuse á festa o golfiño Iván que no mes de Maio estivo enfermo e non puido celebralo con nós.


Aproveitamos para darlle unha aperta moi grande ao peixiño Iván que non puido vir a celebrar o seu aniversario por estar enfermo. Un bico de parte de todos e moitas felicidades!

miércoles, 12 de junio de 2013

CASA DO QUEIXO

O martes fomos a nosa última excursión como nenos e nenas de Infantil: visitamos a Casa do queixo. Alí vimos moitos animais, a os que puidemos acariciar e ata dar de comer: porcos, coellos, vacas, cabras, cabalos, ocas... Pero ademais, amasamos e cocemos pan, descubrimos a textura da la e, como non, fixemos un queixo riquísimo que xa comemos alí! Para acabar o día xogamos, xogamos moitísimo polo campo, que chulo estivo tirarnos pola herba a rolos!!! Mirade que ben o pasamos...


lunes, 10 de junio de 2013

BATUKADA!!!

Vaia festa tivemos hoxe no cole!!! Tambores, maracas,... todo se encheu de música e ritmo na batukada que nos ofreceron de novo Os fenómenos. Pasámolo pipa, nos hai máis que vernos...
 

 Moitas grazas, de novo, a Os Fenómenos pola súa colaboración desinteresada. Sodes xeniais!

domingo, 9 de junio de 2013

ANIVERSARIOS MAIO

No mes de maio celebramos os aniversarios de: Elin e Diego. MOITAS FELICIDADES!!!