OS ROCKEIROS DO COUCEIRO!!!!

E por fin chegou o gran día... O día de festexar por todo o alto o Nadal. E os peixiños e os golfiños eleximos ser axudantes de Papá Noel, enchendo o cole de cor vermella e dándolle moito ritmo as vacacións cun baile ben rockeiro... Íamos ben guapos, non si?

Se queredes ver de novo a nosa gran actuación, premede en CELECOFRE e poderedes disfrutar non só do noso "meneo" senón tamén doutras actuacións de Nadal dos nosos compañeiros e compañeiras.

Pero o día non rematou aquí. Despois de darlle ao esquelete, tivemos unha gran merendola.... Como nos puxemos!!!!

Por último, e como guinda do pastel, adiviñades quen nos visitou??? Nada máis e nada menos que os paxes reais, que levaron as nosas cartas para entregárllelas directamente aos Reis Magos!!! Que bo comezo de vacacións!!!!

E por se non queredes aburrirvos e pasar unhas vacacións cheas de libros e experiencias, aí vos deixamos estas recomendacións de Güino dende a biblioteca, e outras actividades para disfrutar cos pequerrechos.

Recomendacións nadal12 from ana alvarez

** Cidade da cultura (Santiago) 
** Navidad mágica" (Narón)
** Eventos do Concello de Ferrol

Aproveitamos o blog para desexarvos a todos un BO NADAL!!! Disfrutade moito das vacacións cos peixiños e golfiños, e entrade con bo pé no novo ano. Vémonos no 2013!!!!
Unha aperta moi grande das profes.

ANIVERSARIOS DECEMBRO

Esta semana celebramos os últimos aniversarios do ano. MOITAS FELICIDADES A NEREA, JUAN LUIS, CAROLINA, URIEL y DANIEL!!!!!

UNHA ARBORE DE ESTRELAS

Por fin chegou o Nadal ao noso cole!!!! E nestas datas non pode faltar unha bonita árbore, pero non unha calquera, unha cheiña de estrelas de mil cores e formas!!! Que chula quedou!!!!

Moitas grazas familias, pola vosa implicación e colaboración. Sodes uns verdadeiros artistas!!! Non dubidedes en pasar a vela, merece a pena!

AS ESTRELAS DE NADAL

Onte, os nosos peixiños e golfiños, levaron a casa unha notiña para a decoración de Nadal. Queriamosvos especificar que as estrelas poden ser da forma e tamaño que queirades (máximo DinA4) e en cartolina . Decorádeas só por unha cara, pois son para colgar na parede. E lembrade que a data límite será o martes, 4 de decembro. Seguro que deixaremos o cole chulísimo!!!!!
Moitas grazas pola vosa colaboración!!

BLOG DE INGLÉS

A partir de agora, podedes consultar o blog da profe Marga, onde tamén atoparedes información e traballos dos peixiños e golfiños na clase de inglés. O enderezo Web está na nosa lista de blogs e Webs amigas. Grazas, profe Marga!!!!

Fai click na bandeira para ir ao blog de inglés.

CONCERTO DE VENTO

Para lembrar o Día da Música, hoxe disfrutamos dun concerto de instrumentos de vento. Trompetas, tuba, trombón e saxofón encheron o cole de melodías moi coñecidas por nós: A Panteira Rosa, Os Picapedra, ... Como nos gusta a música aos peixiños e golfiños!!!!

VAIA BIBLIOTECA !!!!!!

 Despois dunha temporada sin poder ir a biblioteca ,hoxe por fin revelouse o misterio... Quedamos tod@s pasmadiños cando chegamos alí e  vimos as paredes cheíñas de fermosos debuxos. Agora si que temos un verdadeiro "XARDÍN  DO PASATEMPO". Parabéns a Ito que foi o artista que fixo este fantástico traballo. Pero a sorpresa non quedou ahí xa que para que a reinauguración fose completa o profe Julio contounos un conto chulísimo, grazas tamén a el. Dende aquí invitamos ás familias a que cando teñan un ratiño se acheguen a bibilioteca para comprobar por eles mismos o bonita que está.

DÍA DO PEÓN

E seguimos de troula! Esta vez tocoulle ao peón, un día xa mítico no cole no que todos nos xuntamos para "bailalo" como boamente podemos... Aínda que, o verdadeiramente importante, é compartir un bo rato con amigos e familiares, non si????

Moitas grazas a todas as familias que viñeron a compartir este día con nós!!!

MAGOSTO

E por fin, chegou a festa das castañas!!!! Dende a nosa excursión ás Fragas, levamos esperando a chegada do Magosto con moita impaciencia!!
Comezamos a festa bailando a muiñeira do Magosto que nos ensinou a profe Lara na clase de música e despois... XA CHEGOU A COMILONA!!!! Mmmmmmm!!!! Que ricas estaban as castañas e os batidos de chocolate pero, sen dúbida, o que máis nos gustou foi xogar no patio dos maiores... Pásamolo pipa!!!!

Aproveitamos a ocasión para darlle as grazas a Leite Celta por prestar, outro ano máis, a súa colaboración nesta festa. E por suposto, ás familias por esas castañas!

SAMAÍN

Como todos os anos, celebramos o Samaín. O colexio encheuse de cabazas do máis variado. Canto traballaron estas familias!!! Grazas pola vosa participación!

PEQUENOS XARDIÑEIROS

Hoxe plantamos uns bulbos de xacintos e tulipáns para que, cando chegue a primavera, o noso patio convírtase nun precioso e colorido xardín... A ver que sae de aí! Estaremos moi atent@s...

ANIVERSARIOS OUTUBRO

Este mes estiveron de aniversario Luna e Izan.... FELICIDADES!!!!!

PREPARANDO O MAGOSTO...

Xa está chegando o día de comer as castañas: O MAGOSTO!!!! Pero os peixiños e os golfiños non temos un portacastañas para comelas ben a gusto.... Por iso precisamos un brick de zume, leite, ... ben limpiño e cortado pola metade (todas as caras menos unha das máis anchas coma na foto) para poder encher de castañas a nosa barrigola!!

Moitas grazas pola vosa colaboración!!!

ONDE VIVIMOS

Os peixiños e os golfiños estamos moi emocionados: imos comezar a investigar o sitio onde vivimos, a ver si somos quen de situar nos mapas España, Galicia, A Coruña, Pontedeume... e ata China! Así que, si queredes participar nesta viaxe, podedes traer libros, mapas ou calquera outra cousiña que nos poida valer para descubrir, entre todos, o mundo no que vivimos.
 Un saúdo das profes.

RECOLLIDA DE CASTAÑAS

Os peixiños e os golfiños adiantámonos ao Magosto e... fumos as Fragas en busca de castañas e ourizos! O día comezou cunha gran merendola no Andarubel, aberto todiño para nós. Despois de encher a panza, puxémonos mans á obra e baixamos ata a Xunqueira a atrapar todas as castañas, ourizos, landras e follas de outono que vimos... Arramplamos cun montón!!! Que grandes exploradores somos!!!!

Aproveitamos para darlle as grazas á mamá de Sabela por prestarnos o seu restaurante e deixarnos comer alí como marqueses e marquesas. Moitas grazas de parte de todos os peixiños e golfiños!!!!

CASTAÑAS!!!!!

UN NOVO GOLFIÑO!

Hoxe chegou a clase dos golfiños un novo compañeiro: Naim. Tanto os peixiños como os golfiños encargámonos de darlle unha benvida por todo o alto!!! Seguro que o pasaremos xenial todos xuntos este curso.
Benvido Naim!!!!

ANIVERSARIOS SETEMBRO

Este mes celebramos o aniversario do golfiño Martín... MOITAS FELICIDADES!!!!

ESTREAMOS MÚSICA!

Este curso temos a gran sorte de contar coa profesora de música dos maiores. E hoxe, por fin, puidemos estrear a clase de música: cantamos, bailamos, tocamos instrumentos,... e sobre todo, pasámolo xenial! Estamos a desexar volver a semana que vén! Grazas, Lara!

ESTAMOS EN 5!!!!

E de novo setembro... Fai nada que estabamos empezando e agora xa estamos en 5!!! Somos os maiores de todo o corredor!!!
Que ganiñas tiñamos os peixiños e os golfiños de ver aos nosos compañeiros e compañeiras e sobre todo... de xogar cos nosos novos xoguetes!!!! Pero como máis vale unha imaxe que mil palabras...

Aproveitamos para darlle a benvida ao noso grupo mariño, a un novo peixiño, Pablo... Xa verás que ben o pasamos todos xuntos! Unha aperta moi forte de todos os peixiños e golfiños.

MATERIAL

Ante a inminente suba do IVE no mes de setembro (dun 4% a un 21% nalgúns casos), aproveitamos o blog para pasarvos a lista de material escolar por se algún de vós quere adiantarse ao inicio do curso.

MATERIAL EDUCACIÓN INFANTIL 5 ANOS

Nº	MATERIAL
1	GOMA DE BORRAR staedtler
1	BARRA DE PEGAMENTO PRITT
1	PAQUETE DE 500 FOLIOS BRANCOS NAVIGATOR OFFICE PAPER
1	PAQUETE DE 100 FOLIOS DE CORES (tamaño DIN A4, 80grs)
1	BLOC DE CARTULINAS DE CORES VARIADOS (só cartulinas)
1	CAIXA DE 12 ROTULADORES FINOS EDDING
1	PAQUETE DE TOALLIÑAS HÚMIDAS
2	CAIXAS DE PANOS DE PAPEL (non paquetes individuais)
1	PAQUETE DE GARFOS DE PLÁSTICO
1	METRO DE VELCRO ADHESIVO BLANCO (os dous lados)
1	DVD-R
1	BOTELLÍN DE AUGA (levarano a casa todos os días)
1	MANDILÓN (con cinta de aprox. 5cm para poder colgalo na percha)
1	VISEIRA
1	BOLSA DE TEA PARA A MERENDA ( con cinta de aprox. 5cm)

LIBROS EDUCACIÓN INFANTIL (5 ANOS)

Área	Titulo		Editorial	Proxecto	ISBN
Relixión Católica		Religión Católica 5 años	Everest	Abba Canto	978-84-441-7069-5

O material virá sen marcar, excepto libros, auga, mandilón, bolsa da merenda e viseira.

Lembrade traer a carpeta de gomas e o sobre de clic.

***** Dado que algúns dos papás e as mamás non poden acceder a Internet ou se encontran de vacacións, pedímosvos que lle deades a máxima disfusión á lista para favorecer o aforro de todos. Se tedes algunha dúbida, escribídenos ao blog que intentaremos solucionala.
Un saúdo a todos e seguide gozando das vacacións.

BO VERÁN!!!!

E pasiño a pasiño, chegaron as vacacións! Como traballamos este curso, pero sobre todo...que ben o pasamos!!!! Dende setembro ata xuño, fomos vendimar, comemos castañas, enchimos de cores o Nadal, pitufamos a todo Pontedeume, convertémonos en pintores e escultores, descubrimos o valor das nosas Fragas... e xogamos e rimos un montón!!!!
Disfrutade moito destes meses de lecer, peixiños e golfiños, collede forzas e vémonos en setembro.
Un bico moi, moi, moi grande da profe Ana e da profe Nuria.

Aproveitamos a ocasión para agradecervos a vós familias, toda a vosa colaboración durante este curso. É un pracer traballar cos vosos fillos e fillas e este pracer medra sabendo que temos todo o voso apoio e cariño. Pasade un bo verán e vémonos á volta. Un aperta moi forte das profes.