AS CORES DO NADAL

O martes e o mércores o escenario do cole encheuse de cores para festexar o Nadal cos nosos compañeir@s e familias. Que ben pintamos entre todos o Nadal!!!! Está claro que nacimos para artistas! E despois dun duro traballo de interpretación e baile, que mellor maneira de acabar a festa que cunha gran comilona! mmmmm...

Moitas grazas a todas as familias pola vosa colaboración neste festival e en todas as actividades do trimestre. Esperamos que vos gustara tanto a actuación, como a nós preparala cos vosos fillos e fillas.
Pasade un Bo Nadal e vémonos no 2012!
Un saúdo das profes

VISITA DOS PAXES REAIS

O martes, despois de actuar para todos os nosos compañeir@s do cole, tivemos unha visita moi especial: OS PAXES REAIS VIÑERON A BUSCAR AS NOSAS CARTAS!!!!! Estabamos igual de ilusionados que de "cortadiños". As nosas caras falan solas...

O BELÉN DE FERROL

O venres fomos de excursión a ver o Belén de Ferrol e, aínda que o tempo non nos acompañou moito... Qué chulo estivo! Todas as personaxes se movían, os pastorciños, as lavandeiras, os reis, ... e ata as vacas e as ovellas!!!!Pasámolo pipa! Que ganiñas temos de que chegue o Nadal e os Reis!

ANIVERSARIOS DECEMBRO

Este mes celebramos os aniversarios de Nerea, Juan Luis, Daniel,. Carolina e Uriel... FELICIDADES POR ESES 4 ANOS, PEQUECHOS!

CHEGOU O NADAL!!!

Xa chegou o Nadal ao corredor de infantil e todo grazas a colaboración de todas as familias. Como podedes comprobar quedou precioso. Sodes uns verdadeiros artistas!. MOITÍSIMAS GRAZAS A TODOS/AS!!!

 

FROITOS E FROITAS DE OUTONO

Os peixiños e os golfiños fixemos unha exposición de froitos e froitas de outono, e o venres, por fin, puidemos probalos... QUE RICOS ESTABAN!



CELEBRAMOS O DÍA DO PEÓN

E por fin, despois de moitos días de choiva, poidemos celebrar o DÍA DO PEÓN. De momento aínda non dominamos moito a técnica, pero aprenderemos... sobre todo tendo un mestres/as tan bos como os que viñeron  xogar con nós. Moitas grazas pola vosa participación na festa!

VISITA Á BIBLIOTECA

 

O venres tivemos unha gran sorpresa cando chegamos ao cole... FOMOS DE EXCURSIÓN Á BIBLIOTECA DE PONTEDEUME!
Na Biblioteca coñecimos a Alejandro, o bibliotecario da vila, que nos contou un conto moi chulo: O Dromedario Macario.

Ademáis invitounos a facer o noso propio carnet para poder levar este libro e outros á nosa casa.

ANIVERSARIOS DE OUTUBRO

Este mes celebramos os aniversarios de Izan e Luna. MOITAS FELICIDADES!!!!!!!!!

CELEBRAMOS O MAGOSTO!

Seguimos de festa en festa. Despois das cabazas de onte, hoxe tocaba comer as castañas todos xuntos para celebrar o magosto. Así que despois de cantar a canción dos Esqueletos, puxémonos mans á obra. Que ricas estaban! Pero o mellor de todo foi, sen dúbida, os batidos de chocolate..... mmmmmmm!!!!! E como non... PODER XOGAR TODOS XUNTOS NO PATIO DOS MAIORES!!!!!
E para completar a festa tivemos unha gran sorpresa final... A profe Vero e a profe Raquel viñeron a vernos!!!!!

O SAMAÍN DOS PEIXIÑOS E GOLFIÑOS

Onte chegamos moi cargados ao cole.... Era o día de traer as cabazas! Pero non cabazas calquera, cabazas de Samaín! Que chulas nos quedaron e que orgullosos posamos, eh!
VIVA O SAMAÍN!!!!! 




PD: Aproveitamos o blog para darvos as grazas pola vosa implicación nesta actividade. As cabazas quedaron chulísimas! Sodes uns verdadeir@s artistas! Por si queredes velas, están todas expostas na entrada do colexio (Fotos: S.O.S. Pontedeume Denuncia)

COMEZAN DE NOVO OS CONTACONTOS DOS XOVES

Hoxe comezaron de novo, os contacontos dos maiores. Cada xoves e ata final de curso, virán polas nosas clases os nosos compañeiros e compañeiras de Primaria para contarnos un montón de historias.

Os peixiños e os golfiños tivemos a sorte de contar con dúas rapazas de 6º de Primaria que nos contaron dous contos chulísimos... Mirade que atentos estabamos!

PARA MELORRAR O NOSO BLOG

Boas tardes, familias!
Algúns de vós deixástenos suxestións sobre como mellorar o blog, así que vos animamos a tod@s a que aportedes as vosas ideas e, na medida das nosas posibilidades, intentaremos levalas a cabo.
Ademais, se tedes algún problema para escribir no blog (ás veces vólvese medio "tolo") e o problema persiste, avisádenos e intentaremos remedialo.
Moitas grazas a tod@s pola vosa participación e colaboración.
Un saúdo das profes.

ANIVERSARIOS DE SETEMBRO

Hoxe celebramos o aniversario do golfiño Martín, que xa ten 4 anos... MOITAS FELICIDADES!!!!

A VENDIMAR!

Hoxe fumos a comprobar que era iso de vendimar. Os nosos papás, mamás e avós xa nos contaran algo, pero non o tivemos moi claro ata que o fixemos nós mesmos. Primeiro collimos as uvas da vide, con moito coidadiño porque estaban moi altas, e despois de metelas nun caldeiro, pisámoas cos pés e.. FIXEÑOS MOSTO!!!!! Que rico estaba!!!!

Aproveitamos o blog para darlle as grazas aos tíos da profe Dámaris que nos ensinaron e nos axudaron a facer a vendima. Moitas grazas Tino e Carmen!

FOLLAS NO CORREDOR!!!!

Hoxe tivemos unha gran sorpresa: o corredor cubriuse de follas, follas que nos levaron ata un montón de... UVAS!!!! Pero o mellor de todo foi descubrir que mañá imos de excursión todos xuntos a vendimar... Vedimar, que será iso? Os peixiños e golfiños non temos moita idea, pero seguro que o pasamos moi ben facéndoo. A ver que pasa mañá... Seguiremos informando.

        

 

XA SOMOS DE 4!!!!

E así, case sen darnos conta, comezamos un novo curso. Desexámoslle moita sorte aos tres peixiños que se foron: Pablo, Álex e Claudia, e dámoslle a benvida a un novo compañeiro, Juan Luis e tamén ao resto dos peixiños e golfiños.
Cando chegamos ao cole estabamos un pouquiño despistados, sobre todo polo cambio de aula (XA SOMOS DE 4!!!!!!) pero no recreo... Que ben o pasamos!

ATA SETEMBRO!

Parece que foi onte cando estabamos atravesando a porta do corredor por primeira vez, e sen darnos conta xa rematou este curso, así que só queda dicir... PASÁDEO MOI BEN NAS VACACIÓNS DE VERÁN, PEIXIÑOS E GOLFIÑOS!!!!! VÉMONOS Á VOLTA!!!!! Un bico moi forte da profe Ana e da profe Nuria!

Grazas polo voso apoio durante este curso, familias. Aproveitamos o blog para informarvos de que o día 6 de setembro teremos a reunión de pais e nais, ás 11 de mañá. Disfrutade moito dos vosos fillos e fillas nestas vacacións. Vémonos en setembro. Bicos das profes.

O SUPER CIRCUITO!

Para celebrar o fin de curso, o profe Roberto montou un circuito enorme no patio dos maiores... Pasámolo moi ben, saltando e correndo!!!!! Grazas Roberto!

ANIVERSARIOS DE XUÑO E XULLO

A semana pasada celebramos os aniversarios de Matías, Iván, Claudia, Carla, Alba e Joel. Moitas felicidades!!!!

EXCURSIÓN A BELELLE

E xa para rematar o curso, fomos de excursión a Belelle. Pasámolo xenial! Coidamos e vimos moitos animais, montamos a cabalo, prantamos sementes, fixemos pan... Foi un día moi completo!

ANIVERSARIOS DE MAIO

Este mes celebramos os aniversarios de: Elin, Diego e Iván. Moitas Felicidades aos tres!!!