viernes, 22 de marzo de 2013

A CASA DO MEL

O martes fumos á Casa do Mel para seguir aprendendo cousiñas das abellas... Cantas cousas fan as abellas e.. que listas son!!! Coñecimos á abella raíña, ás obreiras e aos abellóns, fixemos unha vela, pintamos a nosa colmea, e probamos mel... mmmm! Que rica estaba! Algúns repetimos ata fartarnos... Que ben o pasamos!!! Este si que é un bo final de trimestre!




Ademais, e co motivo das vacacións de pascua, a profe Marga contóunos a historia dun coelliño en inglés. Se queredes ver o conto pinchande no seguinte enlace o no blog amigo de "English": http://theguiris.blogspot.com.es/

Aproveitamos para desexarvos unhas boas vacacions. Pasádeo moi, moi, moi ben e repoñede forzas para tomar con moitas ganas o noso último trimestre en Infantil!!!! Vémonos o día 2 de abril!

jueves, 21 de marzo de 2013

ANIVERSARIOS DE MARZO

Este mes celebramos o aniversario de Andrea, Gabriela e Mariña... MOITAS FELICIDADES, PECHERRECHAS!!!!



O DÍA DA POESÍA

Hoxe, para festexar no cole a chegada da primavera e o Día da poesía, os nosos compañeiros e compañeiras de 6º de Primaria, contáronnos as aventuras dun pequeno rato chamado Frederick... Mirade que atentiños estabamos...



viernes, 15 de marzo de 2013

A PRIMAVERA ESTÁ CHEGANDO!

E aínda que non o pareza, a primavera está chegando... Iso sabémolo moi ben os peixiños e os golfiños, por que? Pois porque a nosa pequena plantación de bulbos xa está florecendo!!!!! Mirade que chulos están os nosos xacintos e ademais, olen de marabilla!


Os tulipáns están algo máis preguiceiros, pero seguro que nos próximos días tamén deixarán ver a súa flor.

viernes, 8 de marzo de 2013

PABLO, O APICULTOR

Hoxe tivemos no cole unha nova sorpresa... Un apicultor de verdade!!! Pablo, o apicultor, trouxonos polen, mel e ata dúas abellas para mirar cunha lupa... Cantas cousiñas aprendimos!!! Que as abellas recollen o mel das flores, que só pode existir unha raíña, que se lles bota fume para que non piquen ao quitar o mel...

E seguiremos aprendendo, porque xa temos en marcha outro novo proxecto: AS ABELLAS, por iso se tedes na casa algún libro ou algunha outra cousiña relacionada co tema, non dubidedes en traela.


Moitas grazas a Pablo pola súa visita, e a mamá da xirafiña Ana por invitalo a vir ao cole!


jueves, 28 de febrero de 2013

CONTACONTOS NA BIBLIOTECA

Hoxe, ao chegar ao cole, atopámonos con unha gran sorpresa... Patricia e Álex, os nosos contacontos favoritos, viñan hoxe a contarnos miles de historias!!!! Moitos dos peixiños e dos golfiños tiñamos aínda no recordo o acordeón de Álex e a Familia C que nos contou Patricia, e estivemos moi ansiosos esperando a volta do recreo para poder ir á biblioteca.


Esta vez, Patricia e Álex, contáronnos a historia de Loreto e o seu abrigo cheo de petos, as andanzas dunha galiña que traballaba e traballaba para facer boliños de pan e, por último, o conto dun gato que atopou un balón e tivo que buscar ao seu dono por todo o edificio. Cantamos, rimos e ata coñecemos a unha nova mascota: unha serpe chamada Críctor que viaxaba nun baúl... Que ben o pasamos!


miércoles, 27 de febrero de 2013

ANIVERSARIO DE CANTARES GALLEGOS

O 24 de febreiro conmemorouse o 150 aniversario da publicación do libro Cantares Gallegos de Rosalía de Castro. Dende a biblioteca, invitáronnos a escoitar o poema "Campanas de Bastabales" que fixeron os nosos compañeiros e compañeiras de Primaria. Recitaron de marabilla!!!! Pero sen dúbida, o que máis nos gustou foi a pegatina de Rosalía de Castro que nos deu Julio... Agora toca pensar onde a pegamos!


Se queredes ver o recitado, "pinchade" no blog da biblioteca.